4 декабрь, Йәкшәмбе

09 апрель 2014 йыл, 11:40

Йәрминкәлә өфөлөләргә үҙ вакансияларын һаулыҡ һаҡлау, мәғариф һәм социаль хеҙмәт ойошмалары тәҡдим итәсәк

автор: Галина Бахшиева

Өфө мәшғүллек хеҙмәте 10 апрелдә сираттағы вакансиялар йәрминкәһен үткәрә. Был юлы унда һаулыҡ һаҡлау, мәғариф, шулай уҡ социаль хеҙмәттәр күрһәтеү һәм финанс эшмәкәрлек менән шөғөлләнеүсе учреждениелар ҡатнашасаҡ.

— Алдағы йәрминкәлә ҡатнашырға әлеге ваҡытта 18 ойошма заявка биргән. Дөйөм алғанда улар 350-ләп буш эш урыны тәҡдим итәсәк, — тип хәбәр итте «Башинформ» агентлығына Өфөнөң Халыҡ мәшғүллеге үҙәге директоры урынбаҫары, йәштәр менән эш итеү буйынса бүлек начальнигы Альбина Сәлимова. — Тәҡдим ителәсәк вакансиялар иҫәбендә – уҡытыусы, табип, шәфҡәт туташы, санитар, финанс консультант, социаль эш буйынса белгес, социаль хеҙмәткәр һәм психолог.

Йәрминкәне үткәреү урыны һәм ваҡыты – Ибраһимов бульвары, 47/1, иртәнге сәғәт ундан алып ун икегә тиклем.

Бөтә хеҙмәттәр ҙә бушлай күрһәтелә.