4 декабрь, Йәкшәмбе

09 апрель 2014 йыл, 10:01

Ҡ.С.Дәүләткилдеев исемендәге республика һынлы сәнғәт гимназия-интернаты тәрбиәләнеүселәре – бөтә Рәсәй фестивале еңеүселәре

автор: Эльмира Сабирова

Ҡ.С.Дәүләткилдеев исемендәге республика һынлы сәнғәт гимназия-интернаты тәрбиәләнеүселәре «Рәсәйҙең һәләтле балалары: буяуҙар һәм моңдар донъяһында» бөтә Рәсәй конкурс-фестивалендә бик яҡшы һөҙөмтәләр күрһәтте.

БР Мәғариф министрлығынан хәбәр итеүҙәренсә, «Һүрәт, һынлы сәнғәт» номинацияһында конкурс Гран-приһын унынсы синыф уҡыусыһы Алмаз Сакаев яуланы.

«Һүрәт, һынлы сәнғәт, биҙәү-ҡулланма сәнғәт» номинацияларында Айгиз Солтанов, Әлиә Бәҙретдинова һәм Иҙел Талипов (I дәрәжә диплом), Анастасия Трошкина (III дәрәжә диплом) призерҙар булды.

Бынан тыш, һигеҙенсе синыф уҡыусылары Гөлшат Ғәлиева, Дилә Рәхмәтуллина һәм Аделина Ғәҙелшина «Яңы мөғжизәләр көткәндә» бөтә Рәсәй һынлы сәнғәт конкурсында I дәрәжә диплом менән бүләкләнде.

Ун беренсе синыф уҡыусыһы Розалия Мусина һыҙым (черчение) буйынса уҡыусыларҙың республика конкурсында икенсе урын яуланы.