8 декабрь, Кесе йома

08 апрель 2014 йыл, 10:00

Әбйәлил районында башҡорт йырҙары конкурсының еңеүселәре билдәләнде

автор: Гөлфиә Акулова

Әбйәлил районы үҙәгендә БАССР-ҙың атҡаҙанған йырсыһы, халыҡ йырҙарын башҡарыусы Бибикамал Мәһәҙиеваның тыуыуына 100 йыллыҡҡа арналған башҡорт йырҙарын башҡарыусыларҙың республика зона конкурсы үтте.

Музыкаль ярыш бында беренсе тапҡыр уҙғарылды. Конкурстың төп маҡсаты – башҡорт халыҡ йырҙарын башҡарыу йолаларын һаҡлау һәм үҫтереү.

Асҡар ауылына йыр ярышына Әбйәлил, Баймаҡ, Ейәнсура, Учалы райондарынан һәм Сибай ҡалаһынан 40-тан ашыу башҡорт халыҡ йырҙарын башҡарыусы йыйылғайны.

16 йәшкә тиклемге категорияла Гран-прины 1-се Асҡар мәктәбе уҡыусыһы Индира Шәһимәрҙәнова яуланы. Өлкән йырсылар араһында иң яҡшыһы тип Баймаҡ районынан Фәттәх Аралбаев танылды. Был хаҡта «Башинформ» агентлығына республика Мәҙәниәт министрлығының матбуғат секретары Ләйлә Ишморатова хәбәр итте.