8 декабрь, Кесе йома

02 апрель 2014 йыл, 17:55

Баш ҡала уҡыусыларын «Мәҙәниәт йылы» конкурсында ҡатнашырға саҡыралар

автор: Гөлфиә Акулова

Башҡортостандың Милли әҙәбиәт музейы Өфөнөң 5, 6, 7 синыф уҡыусылары өсөн «Мәҙәниәт йылы» ижади эштәр конкурсы тураһында иғлан итте. Конкурс мәҙәниәт кимәлен арттырыу, интелектуал һәм ижади һәләттәрҙе ярыш формаһында үҫтереү һәм күрһәтеүҙә мөмкинлектәр биреү маҡсатында уҙғарыла. Бәйгелә ҡатнашыу өсөн А4 форматында йыйылмалы формала буклет әҙерләргә кәрәк. Эштә фотолар, һүрәттәр, шиғырҙар, кросвордтар ҡулланырға мөмкин, ул уҡыусының аң даирәһе киңлеген күрһәтергә тейеш. Конкурс эштәре Өфө ҡалаһы, Достоевский урамы, 160 адресы буйынса ҡабул ителә. Белешмәләр өсөн телефон: (347) 228-43-92. Иң йөкмәткеле һәм матур биҙәлгән проекттар 19 майҙа «Музейҙар төнө» акцияһы көнөндә конкурс комиссияһы тарафынан билдәләнәсәк һәм иғлан ителәсәк.