4 декабрь, Йәкшәмбе

01 апрель 2014 йыл, 16:27

Республика халҡын бер аҙналыҡ май каникулдары көтә

автор: Ғәлиә Нәбиева

Майҙа республика халҡын өҫтәмә ял көндәре көтә. Байрамдар менән бәйле эшләмәгән ял көндәре булып тора: 2014 йылдың 1, 2, 3, 4 һәм 9, 10, 11 майы. Эш оҙайлығы шаршамбы 30 апрелдә һәм кесе йома 8 майҙа бер сәғәткә ҡыҫҡартыла, тип хәбәр иттеләр республиканың Хеҙмәт министрлығынан.

Иҫегеҙгә төшөрәбеҙ, 1 май – Яҙ һәм Хеҙмәт байрамы һәм 9 майҙа Еңеү көнө эшләмәгән ял көндәре булып иҫәпләнә. Ял көндәрен һәм эшләмәгән байрам көндәрен рациональ файҙаланыу маҡсатында ял көнө шәмбе 4 ғинуарҙан йома 2 майға күсерелгән.

Рәсәй Федерацияһының Хеҙмәт кодексына ярашлы, йыллыҡ төп һәм йыллыҡ өҫтәмә түләүле отпуск биргәндә 1 һәм 9 майҙа эшләмәгән байрам көндәре отпускының календарь көндәре иҫәбенә индерелмәй.

темалар: байрамдар