7 декабрь, Шаршамбы

27 март 2014 йыл, 15:00

Рөстәм Хәмитов Волга буйы федераль округы субъекттарының закондар сығарыусы органдары Ассоциацияһы ултырышын асты

автор: Арина Рәхимҡолова | фото: Андрей Старостин

Башҡортостан Президенты Рөстәм Хәмитов Рәсәй Федерацияһы Волга буйы федераль округы субъекттарының дәүләт власының закондар сығарыусы (вәкәләтле) органдары Ассоциацияһының 38-се ултырышын асты.

Тәбрикләү телмәрендә республика башлығы, Башҡортостан – ҡунаҡсыл төбәк, тип билдәләне, 2015 йылдың йәйе уҙасаҡ ШОС һәм БРИКС саммиттарына әҙерлектең нисек барғаны тураһында һөйләне. Был ваҡиғаларға бер ниндәй ҙә ҙур төҙөлөштәр алып барылмай, тип билдәләне Рөстәм Хәмитов.

— Саммиттар уҙасаҡ, Конгресс-холды тәртипкә килтерәбеҙ, аэропортта ҙур булмаған эштәр бара, ҡаланың тышҡы ҡиәфәтен дә бер аҙ яҡшыртабыҙ, — тине төбәк башлығы.

Ассоциация ултырышында етем балаларҙың хоҡуҡтарын тикшереү планлаштырыла. БР Дәүләт Йыйылышы – Ҡоролтай Рәйесе Константин Толкачев етем һәм ата-әсә ҡарауынан мәхрүм ҡалған балаларҙың законлы хоҡуҡтарын һәм мәнфәғәттәрен яҡлау мәсьәләләре буйынса доклад менән сығыш яһаясаҡ. Башҡортостан парламенты спикеры Башҡортостан миҫалында мәсьәләләрҙе хәл итеү буйынса ведомство-ара эш итеү механизмдары тураһында һөйләйәсәк.

темалар: бр президенты