9 декабрь, Йома

27 март 2014 йыл, 12:26

Баш ҡалала балаларҙы сәләмәтләндереү лагерҙарына путевкалар йәрминкәһе уҙасаҡ

автор: Арина Рәхимҡолова

БР Профсоюздар федерацияһы балаларҙы сәләмәтләндереү лагерҙарына путевкалар йәрминкәһен уҙғара. Был сара күп йылдар дауамында Өфөлә йәй миҙгеле алдынан ойошторола.

«Башинформ» агентлығына БР Профсоюздар федерацияһының матбуғат хеҙмәтенән хәбәр итеүҙәренсә, йәрминкә ата-әсәләргә балалар лагерҙарында ял итеү шарттары менән танышыу һәм кәрәк булғанда путевка алыуға ойошмалар менән килешеү төҙөү мөмкинлеге бирә.

Предприятиелар ҡала ситендәге балаларҙы сәләмәтләндереү лагерҙары, муниципаль һәм профсоюз лагерҙары, шулай уҡ республика шифаханаларының үҙ тәҡдимдәрен индереүе көтөлә.

Йәрминкә БР Профсоюздар йортонда 4 апрелдә 11 сәғәттә башланасаҡ.

темалар: профсоюздар