10 декабрь, Шәмбе

21 март 2014 йыл, 14:14

Архангель районында юл-транспорт ваҡиғаһында һәләк булғандарҙың исемдәре билдәле

автор: Эльмира Сабирова

Архангель районында юл-транспорт ваҡиғаһында һәләк булған кешеләрҙең фамилиялары билдәле булды. БР буйынса Эске эштәр министрлығының Юл хәрәкәте хәүефһеҙлеге дәүләт инспекцияһы идаралығы хәбәр итеүенсә, һәләк булғандар араһында:

Зөмәрә Йәһүҙина (1950 йылғы);

Азат һәм Альбина Ишмәевтар (1983 һәм 1987 йылғылар);

Ләлә Йосопова (1966 йылғы);

Юлиә Ишморатова (1975 йылғы);

Анна Польшина (1983 йылғы);

Светлана Алексеева (1993 йылғы).

Ҡурҡыныс авария кесе йома «Белорет-Инйәр-Өфө» трассаһының 46-сы километрында 15 сәғәт 30 минут тирәһендә була. Ҡаршы буйҙа «Фольксваген» микроавтобусы һәм «Мерседес-Бенц» йөк фураһы бәрелешә. Һөҙөмтәлә бөтә ете пассажиры ла һәләк була. Микроавтобустың тере ҡалған водителе Архангель үҙәк район дауаханаһына алып барылған. Медиктарҙың мәғлүмәттәренә ярашлы, уның хәле – урта ауырлыҡта.