5 декабрь, Дүшәмбе

12 март 2014 йыл, 11:18

Башҡортостанда тикшерелгән яҙғы иген һәм ҡуҙаҡлы иген культуралары орлоҡтарының 93 проценты – кондициялы

автор: Галина Бахшиева

Башҡортостанда 1 мартҡа ҡарата дәүләт стандарттары талаптарына ярашлылыҡҡа 261 мең тонна яҙғы иген һәм ҡуҙаҡлы иген культуралары орлоҡтары тикшерелгән, йәғни план буйынса һалынған орлоҡтоң 88 проценты. Бындай мәғлүмәттәрҙе «Россельхознадзор»ҙың Башҡортостан референт үҙәге килтерә.

Тикшерелгән орлоҡтоң 93 проценты, йәғни 243,3 мең тоннаһы, кондицияға ярашлы тип табылған. Ете процентын, йәғни 17,7 мең тоннаһын, яраҡһыҙға сығарғандар. Уларҙан 9,3 мең тонна орлоғо сүпле булып сыҡҡан, сығышы буйынса – 8,7 меңе, дымлылығы буйынса – 2,5 меңе, келәттә ҡоротҡостар булыу арҡаһында – 0,4 меңе, тип хәбәр иттеләр «Россельхознадзор»ҙың Башҡортостан буйынса идаралығы матбуғат хеҙмәтенән.