10 декабрь, Шәмбе

11 март 2014 йыл, 16:30

Өфөлә «Газ. Нефть. Технологиялар-2014» XXII халыҡ-ара күргәҙмәһе уҙасаҡ

автор: Сергей Захаров

Өфөлә 22 апрелдән алып 25-нә тиклем «Газ. Нефть. Технологиялар-2014» XXII халыҡ-ара күргәҙмәһе уҙасаҡ. Башҡортостан Хөкүмәте бойороғо менән күргәҙмәне әҙерләү һәм үткәреү буйынса ойоштороу комитеты составы, шулай уҡ саралар планы раҫланған. Ойоштороу комитетын вице-премьер Дмитрий Шаронов етәкләне.

Традицион рәүештә экспозиция сиктәрендә заманса нефть-газ ҡорамалдары, тотона торған материалдар, махсус кейем, Рәсәй һәм сит ил предприятиеларының башҡа продукциялары күрһәтелә. Бынан тыш,  конференциялар, семинарҙар, презентациялар, түңәрәк өҫтәлдәр үткәреү планлаштырылған.

Бөтә саралар ҙа «ВДНХ-ЭКСПО» комплексында уҙасаҡ, уның рәсми асылыуы «Газ. Нефть. Технологиялар» күргәҙмәһен үткәреү көндәренә планлаштырылған.