11 декабрь, Йәкшәмбе

11 март 2014 йыл, 12:43

Төбәк иҡтисады үҫешенә инвестициялар күләме 2013 йылда - 266,2 миллиард һумға тиклем үҫкән

автор: Эльвира Латипова

2013 йылда республика иҡтисады үҫешенә йүнәлтелгән, төп капиталға инвестициялар күләме 266,2 миллиард һум суммаһы менән баһалана, ул 2012 йылғы күрһәткестәрҙән 8  процентҡа күберәк, тип хәбәр итә Башҡортостанстат.

Абсолют күрһәткестәр буйынса республика Рәсәйҙә 12 урында тора. Волга буйы федераль округында Башҡортостан Татарстандан (520,5 миллиард һум) һәм Түбәнге Новгород өлкәһенән (272,2 миллиард һум) һуң тора.

Төп капиталға төп аҡса һалыуҙар күләме биналар һәм ҡоролмалар төҙөлөшө (иҡтисадҡа бөтә инвестициялар суммаһының 37,6 процент) һәм машиналар, ҡорамалдар һәм транспорт саралары алыуға (33,3) тура килгән. Торлаҡ төҙөлөшөнә бөтә инвестицияларҙың 23,7 проценты йүнәлтелгән.