5 декабрь, Дүшәмбе

07 март 2014 йыл, 14:45

Рәсәйҙә йәш әсәләр-эшҡыуарҙарға гранттар бүлергә планлаштыралар

автор: Галина Бахшиева

Рәсәй Хөкүмәте бизнес менән шөғөлләнеүсе йәш әсәләргә 400 мең һумға тиклем күләмдә грант түләргә ниәтләнә. Программаны 2014 йылда уҡ бойомға ашыра башларға планлаштыралар. Был хаҡта «Российская газета»ға интервьюла РФ Хөкүмәте вице-премьеры Ольга Голодец белдерҙе.

— Был мәсьәлә әле Иҡтисади үҫеш министрлығы менән ентекләберәк өйрәнелә. Әгәр, бала тәрбиәләүсе, ҡатын үҙ үҙенә эшләһә, үҙ эшен асып ебәрһә – мәҫәлән, бер үк ваҡытта тәржемәләр менән шөғөлләнә, тегенә, өйҙә бөҙрәхана хеҙмәттәрен күрһәтә, уға беренсе этапта грант менән ярҙам итәсәктәр. Беҙҙең тәҡдим – 400 мең һумға тиклем, — РФ Хөкүмәте вице-премьеры.

2013 йылда Рәсәй Хөкүмәте ғәҙәти булмаған проектты эшләтеп ебәрҙе – юғары белем алырға теләге булған, йәш әсәләрҙе бушлай әҙерлек курстарына индереү.

— 2014 йылда был ҡатындар юғары уҡыу йорттарына конкурсһыҙ бюджет урындарға уҡырға инәсәк. Программаны киңәйтергә ниәтләнәбеҙ, хәҙер тейешле закондың проекты әҙерләнә. Әсәлекте һәм профессиональ белем алыуҙы берләштерергә әҙер, ҡатындар бындай мөмкинлекте алырға тейеш, — тигән ышаныста вице-премьер.