8 декабрь, Кесе йома

07 март 2014 йыл, 12:50

Сочиҙа XI ҡышҡы Паралимпия уйындары асыла

автор: Дмитрий Слезин

Йома, 7 мартта, Сочиҙа XI ҡышҡы Паралимпия уйындарын асыу тантанаһы уҙасаҡ. Тантананың башы – Мәскәү ваҡыты буйынса 22 сәғәттә.

Сочиҙа Паралимпияға Рәсәй йыйылмаһы составында Башҡортостандан биш спортсы: Ирек Зарипов, Кирилл Михайлов, Азат Ҡарасурин, Надежда Андреева һәм Александр Давидович ҡатнаша. Бөтә спортсылар саңғы ярыштарында һәм биатлонда сығыш яһаясаҡ.

Ҡышҡы Паралимпия уйындары тарихы эсендә Башҡортостан спортсылары 27 миҙал яуланы, уларҙан 14-те алтын, 11 көмөш һәм икәүһе бронза.

Иҫегеҙгә төшөрәбеҙ, призлы урындар яулаусы Башҡортостан олимпсыларына республиканан матди бүләкләү ҡаралған: «алтын» өсөн — 1,5 миллион һум, «көмөш өсөн» — миллион һәм «бронза» өсөн – 500 мең һум.