10 декабрь, Шәмбе

04 март 2014 йыл, 11:15

Башҡортостан юғары технологик медицина ярҙамына федераль бюджеттан 103,3 миллион һум аласаҡ

автор: Эльвира Латипова

Башҡортостан Республикаһы 2014 йылда халыҡҡа юғары технологик медицина ярҙамы күрһәтеү буйынса тотоноу йөкләмәләрен финанслауға 103 287,7 мең һум күләмендә федераль субсидия аласаҡ. Тейешле бойороҡ дүшәмбе РФ Президентының сайтында баҫылған.

Документҡа ярашлы, субсидиялар Федерацияның 62 субъекты бюджетына бүленә. Был маҡсатҡа федераль бюджетта 3 миллиард һум ҡаралған. Төбәк бюджеттарынан 19,05 миллиард һум йүнәлтеләсәк.

РФ субъекттарын һайлау критерийҙары – юғары технологик медицина ярҙамы күрһәтеүгә лицензияһы булған, дәүләт власының төбәк башҡарма органдары ведомствоһына ҡараған медицина ойошмалары булыу.