8 декабрь, Кесе йома

27 февраль 2014 йыл, 16:31

Өфөнөң иң яҡшы уҡытыусыһы машина алды

автор: Гөлфиә Акулова

Өфөлә «Башҡортостан баш ҡалаһының йыл уҡытыусыһы-2014» һәм «Башҡортостан баш ҡалаһының башҡорт теле һәм әҙәбиәте йыл уҡытыусыһы-2014» конкурстары еңеүселәре билдәләнде.

Быйылғы уҡыу йылында Гүзәл Леонова иң яҡшы уҡытыусы булды – ул Өфөнөң Орджоникидзе районы «Берҙәмлек» лицейының рус теле һәм әҙәбиәте уҡытыусыһы.  Шулай уҡ «Иң яҡшы рус теле һәм әҙәбиәте уҡытыусыһы» исеменә ярышыусылар араһында уға тиң булманы. Уҡытыусы конкурстың төп бүләге – автомобилде алды.

«Башҡорт теле һәм әҙәбиәте йыл уҡытыусыһы» номинацияһында еңеүҙе Гүзәл Ҡаһирова – Калинин районының 112-се урта дөйөм белем биреү мәктәбе уҡытыусыһы яуланы. Иң яҡшы татар теле һәм әҙәбиәте уҡытыусыһы тип Киров районының 21-се лицейынан Элвира Ғилфанова танылды, тип хәбәр иттеләр Өфө хакимиәтенең матбуғат хеҙмәтенән.

Быйыл, 17-се тапҡыр уҙғарылған, һөнәри конкурста баш ҡаланың 27 уҡытыусыһы ҡатнашты.

темалар: конкурстар