8 декабрь, Кесе йома

24 февраль 2014 йыл, 17:09

Өфөнөң 39-сы гимназияһында «Урал батыр» эпосы донъяның төрлө телдәрендә яңғыраны

автор: Эльмира Сабирова

ЮНЕСКО эштәре буйынса Башҡортостан Республикаһы комитеты һәм Өфөнөң 39-сы гимназияһы (ЮНЕСКО-ның ассоциялаштырылған мәктәбе) онлайн режимда «Урал батыр» башҡорт халыҡ эпосының Халыҡ-ара уҡыуҙарын үткәрҙе.

«Урал батыр» башҡорт, рус, татар, инглиз, әрмән, белорус, болгар, ҡытай, ҡырғыҙ, немец, украин, француз телдәрендә яңғыраны.

Гимназия директоры Ирина Кейекбаева әйтеүенсә, был проекттың үҙенсәлеге – эпос онлайн режимында өҙлөкһөҙ, һәр бүлеге төрлө илдәр телендә уҡылды. Ҙур әҙерлек эше ҡатнашыусыларға башҡорт мәҙәниәте һәм халыҡ ижады менән танышыуҙан тыш, эпосты үҙенең милли колориты аша күрһәтергә мөмкинлек бирҙе.