3 декабрь, Шәмбе

14 февраль 2014 йыл, 17:42

Рөстәм Хәмитов РФ Тикшереү комитетының БР буйынса Тикшереү идаралығы коллегияһында ҡатнашты

автор: Ольга Мортазина | фото: Андрей Старостин

РФ Тикшереү комитетының Башҡортостан идаралығында уҙған йыл йомғаҡтары буйынса кәңәшмә үтте. Унда Башҡортостан Президенты Рөстәм Хәмитов һәм республиканың көс ведомстволары етәкселәре ҡатнашты. Рөстәм Хәмитов үҙенең сығышында кешеләрҙең властҡа ышанысын нығытыу, иҡтисади үҫеш һәм социаль именлек өсөн хоҡуҡ һаҡлау структуралары эшенең ҙур әһәмиәтен билдәләп үтте.

— Һеҙҙең менән һөнәри бурыстарҙы үтәгәндә беҙ дөйөм маҡсатҡа: республиканың тотороҡло үҫешенә, йәмәғәт стабиллегенә, кешеләрҙең йәшәү сифатын арттырыуға, барабыҙ, — тине Президент.

Кәңәшмәлә ҡатнашыусыларға мөрәжәғәт итеп, Рөстәм Хәмитов, «хоҡуҡ һаҡлау органдарының эшмәкәрлеге кешеләр өсөн аңлайышлы булырға тейеш» тип билдәләне.