8 декабрь, Кесе йома

12 февраль 2014 йыл, 17:59

«Банктарҙың мәғлүмәти хәүефһеҙлеге» VI Урал форумы Әбйәлил районында үтәсәк

автор: Эльвира Латипова

17-22 февралдә Башҡортостандың Әбйәлил районында «Юбилейный» шифаханаһы базаһында «Банктарҙың мәғлүмәти хәүефһеҙлеге» VI Урал форумы үтәсәк.

Республиканың Милли банкынан хәбәр итеүҙәренсә, форумда инновацион банк технологияларын индереү һәм мәғлүмәти хәүефһеҙлекте тәьмин итеү, түләү системалары хәүефһеҙлеге, банк секторында киберенәйәтселекте иҫкәртеү һәм уға ҡаршы тороу мәсьәләләренә фекер алышыу ҡаралған. Форум программаһына тематик секциялар, түңәрәк өҫтәлдәр һәм һүҙ көрәштереүҙәр ингән.

Форумда кредит ойошмалары етәкселәре, мәғлүмәти хәүефһеҙлек өлкәһе белгестәре, хәүеф-менеджерҙар, эске контроль хеҙмәте белгестәре, процессинг үҙәктәре етәкселәре ҡатнашасаҡ.

Форумды Рәсәй банктары ассоциацияһы Рәсәй Банкы рәсми ярҙамы менән «Авангард Үҙәк» компанияһы менән берлектә уҙғара.