3 декабрь, Шәмбе

11 февраль 2014 йыл, 15:37

Өфөлә Башҡортостан тарихы һәм мәҙәниәте буйынса республика олимпиадаһы үтәсәк

автор: Эльмира Сабирова

14 февралдән 15-нә тиклем Республика иҡтисад лицей-интернаты нигеҙендә «Башҡортостан тарихы, мәҙәниәте» һәм «Тормош мәктәбе» предметтары буйынса олимпиада үтәсәк, унда муниципаль һәм ҡала этаптары еңеүселәре – 8-9 синыф уҡыусылары ҡатнашасаҡ.

Олимпиаданың республика этабы ике турҙа үтә: беренсе – яҙыу эшен үтәү; икенсе – жюри тәҡдим иткән тема буйынса телдән сығыш яһау. Беренсе һәм икенсе турҙа олимпиаданың бөтә ҡатнашыусылары ҡатнаша ала.  Еңеүселәрҙе бүләкләү 15 февралдә уҙа.

Интеллектуаль ярышта ҡатнашыуҙан тыш, уҡыусылар Рудольф Нуриев тураһында «Визит» фильмын ҡараясаҡ, тип хәбәр иттеләр БР Мәғариф министрлығынан.