4 декабрь, Йәкшәмбе

03 февраль 2014 йыл, 17:35

Башҡортостанда был аҙнала бер аҙ йылытасаҡ

автор: Галина Бахшиева

Башҡортостан территорияһының күпселек өлөшөндә алдағы ике-өс көндә ҡар яуасаҡ. Һауа температураһы төндә был көндәрҙә 23 градустан түбәнерәк төшмәйәсәк. Көндөҙ иң аҙ температура – минус 17 градус.

6 һәм 7 февралдә республиканың айырым райондарында төндә минус 26-27 градусҡа тиклем һыуытасаҡ, көндөҙ 17-20 градус һыуыҡ булыуы көтөлә. Шунлыҡтан яуым-төшөм туҡтаясаҡ, тип хәбәр иттеләр Рәсәй Гидрометеорология үҙәгенән.

Ял көндәрендә төбәктә бер аҙ йылытасаҡ, аҙыраҡ ҡар яуыуы көтөлә. Төнөн һауа температураһы был көндәрҙә 21-26 градус һыуыҡ буласаҡ. Көндөҙ һауа температураһы минус 11-14 градусҡа тиклем йылынасаҡ.

темалар: һауа торошо