3 декабрь, Шәмбе

29 ғинуар 2014 йыл, 12:40

Өфөлә «Яҙ һылыуы-2014»-те һайлаясаҡтар

автор: Гөлфиә Акулова

Өфөлә иғлан ителгән йыл һайын уҙғарыла торған «Яҙ һылыуы-2014» конкурсында ҡала предприятиелары һәм учреждениелары хеҙмәткәрҙәре ҡатнаша ала. Өфө хакимиәтенең йәштәр сәйәсәте буйынса комитетынан хәбәр итеүҙәренсә, һылыуҡайҙарҙың конкурсы ике этапта үтә. Конкурста ҡатнашыусылар үҙҙәренең тышҡы матурлығын ғына түгел, ә профессиональ эшмәкәрлектә үҙҙәрен күрһәтәсәк. Еңеүселәрҙе жюри ағзалары һайлаясаҡ, уның составына компаниялар етәкселәре, мәҙәниәт һәм сәнғәт эшмәкәрҙәре инә. Һайлап алыу туры 13 февралдә үтәсәк. Финал шоуы 15 мартта Өфөнөң Орджоникидзе исемендәге Мәҙәниәт һарайында уҙа. Хәҙер конкурста ҡатнашыу өсөн заявкалар ҡабул ителә. Анкеталарҙы 10 февралгә тиклем cszm@mail.ru электрон почта адресына ебәреп була.

темалар: конкурстар