8 декабрь, Кесе йома

16 ғинуар 2014 йыл, 14:14

Республика башлығы юл төҙөлөшө мәсьәләһе буйынса Башҡортостан Хөкүмәте Президиумы ултырышын үткәрҙе

автор: Сергей Захаров

15 ғинуарҙа Башҡортостан Президенты Рөстәм Хәмитов Хөкүмәт Президиумы ултырышын үткәрҙе, унда 2013 йылда юл төҙөлөшөнөң яҡынса йомғаҡтары ҡаралды һәм 2014 йылға маҡсаттар ҡуйылды.

Төбәктә юл төҙөлөшөн финанслау һуңғы өс йылда йыл һайын үҫә, тип билдәләнде. 2013 йылда 11,6 миллиард һум үҙләштерелгән – ул 2010 йылға ҡарағанда 70 процентҡа күберәк. Быйыл юл торошон һәм бөтә юл инфраструктураһын яҡшыртыуға 11,7 миллиард һумдан ашыу аҡса йүнәлтеү планлаштырыла, тип хәбәр иттеләр республика башлығының матбуғат хеҙмәтенән.