7 декабрь, Шаршамбы

10 ғинуар 2014 йыл, 16:21

Рәсәйҙә донорҙарға аҡсалата түләүҙәр тәртибе үҙгәрҙе

автор: Галина Бахшиева

2014 йылдың 1 ғинуарынан алып «Рәсәйҙең почетлы доноры» йәки «СССР-ҙың почетлы доноры» билдәләре менән наградланған граждандарға йыл һайын бирелә торған аҡсалата түләүҙәр тәртибе үҙгәрҙе.

Башҡортостан Хеҙмәт министрлығының матбуғат секретары Роза Кузьменко аңлатыуынса, әгәр элек йыл һайын бирелә торған аҡсалата түләү ай һайын бүленеп түләнһә, 2014 йылдан алып билдәләнгән түләү, ағымдағы йылдың 1 апреленән ҡалмайынса, йылына бер тапҡыр биреләсәк.

2014 йылдың 1 ғинуарынан алып был түләүҙең күләме индексацияланған һәм 11 728 һум (2013 йылда – 11 138 һум) тәшкил итә.