Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.22 ↑

EUR 69.26 ↑

22 сентябрь, Йома

Уфа   °

Сибайҙа 35 етем балаға фатир асҡыстары тапшырылды

Йәмғиәт

Ошо көндәрҙә Сибайҙа етем балаларға фатир асҡыстары тапшырыу тантанаһы үтте.

Ҡаланың Көнсығыш биҫтәһендәге үҙенең архитектура һәм төҫтәр гаммаһы менән айырылып торған 55 фатирлыҡ йортто  «Оптима-С» яуаплылығы сикләнгән йәмғиәте ҡыҫҡа ваҡыт эсендә төҙөп өлгөрттө. Сибайҙа йәшәүсе төрлө сәбәп менән бала сағында ата-әсәһенән мәхрүм ҡалған 35 йәш кеше торлаҡ алыу бәхетенә эйә булды. Был улар өсөн – үҙенсәлекле Яңы йыл бүләге.

Ҡала округы хакимиәте башлығы Хәлит Сөләймәнов өй туйлаусыларҙы был мөһим ваҡиға менән ҡотланы һәм уңыштар теләне.

«БР Социаль торлаҡ төҙөлөшө фонды» коммерцияға ҡарамаған ойошмаһы төҙөлөштөң төп подрядсыһы булды. Тантанала ойошманың генераль директоры урынбаҫары Виктор Рассейкин ҡатнашты һәм торлаҡ алыусыларҙы ул да ҡотланы.

Сибайҙа Фонд төҙөгән был өсөнсө социаль йорт. 2012 йылда ике йорт файҙаланыуға тапшырылғайны. Яңы йылдың ғинуарында 35 фатирлыҡ яңы йортҡа нигеҙ һалынасаҡ. Сығыш яһаусылар төҙөлөш эштәренең юғары сифатлы итеп башҡарылыуын билдәләне. Бөтә квартал балаларын шатландырып, ихатаны тиҫтәләгән уйын элементтары менән балалар майҙансығы биҙәй, тип хәбәр итте ҡала хакимиәте.

Яндекс цитирования
Рейтинг ресурсов "УралWeb"
закрыть