5 декабрь, Дүшәмбе

31 декабрь 2013 йыл, 9:30

2014 йылда Рәсәй – ЕС Фән йылы үтәсәк

автор: Ғәлиә Нәбиева

Киләһе йыл Рәсәй Федерацияһында Рәсәй – ЕС Фән йылы үтәсәк. Был турала указға РФ Президенты Владимир Путин ҡул ҡуйҙы.

Дәүләт башлығының матбуғат хеҙмәтенән хәбәр итеүҙәренсә, саралар Рәсәй Федерацияһының фәнни-техник ҡеүәтен үҫтереүгә һәм Европа союзы илдәре менән оҙайлы ваҡытҡа партнерлыҡты киңәйтеүгә йүнәлтеләсәк.

Федераль Хөкүмәткә 2 ай эсендә Рәсәй Федерацияһында Рәсәй – ЕС Фән йылын әҙерләү һәм үткәреү буйынса Милли ойоштороу комитетын ойошторорға һәм уның составын раҫларға, шулай уҡ саралар планын эшләргә һәм раҫларға ҡушылды.

Субъекттарҙың дәүләт власы органдарына һәм урындағы үҙидаралыҡ органдарына Рәсәй – ЕС Фән йылына арналған саралар әҙерләүҙә һәм үткәреүҙә ҡатнашырға кәңәш ителде.