7 декабрь, Шаршамбы

25 декабрь 2013 йыл, 11:23

Киләһе йылдан инвалидтарҙы эшкә урынлаштырыу өсөн квоталар ҡайтанан ҡаралды

автор: Розалия Вәлиева

2014 йылда инвалидтарҙы эшкә урынлаштырыу өсөн ике процент квота хеҙмәткәрҙәр һаны 35 кешенән артығыраҡ булған коллективтарға билдәләнә, тип хәбәр итте РФ Президентының майҙағы указдарын үтәү мәсьәләләре буйынса республика Хөкүмәтендә үткән кәңәшмәлә хеҙмәт һәм халыҡты социаль яҡлау министры Ленара Иванова.

Элек предприятиеларҙа 100-ҙән ашыу кеше иҫәпләнгән осраҡта инвалидтарҙы эшкә алыу, уларға махсуслаштырылған эш урындары булдырыу йөкләмәһе бирелә ине.

Башҡортостанда 2010 йылдан алып йыһазландырылған эш урындарына 780 инвалид эшкә урынлашҡан, уларҙың 554-е эшләүен дауам итә. Һуңғы ике йылда инвалидтар өсөн тағы ла 572 эш урыны булдырыу планлаштырыла. Инвалид өсөн эш урынын йыһазландырыуға эш биреүсегә уртаса 66,2 мең һум күләмендә субсидия бирелә.

темалар: социаль ярҙам