4 декабрь, Йәкшәмбе

13 декабрь 2013 йыл, 13:13

Өфөлә “Алтын ҡулдар” фестивале үткәрелә

автор: «Башинформ»

14-15 декабрҙә Өфөлә «Каруанһарай» сауҙа-эш  комплексыында икенсе «Алтын ҡулдар» төбәк-ара hand-made фестивале үткәрелә. Тәүге тапҡыр был проект Рәсәйҙең 20-нән ашыу ҡалаһынан 80-ләп өҫ кейеме дизайнерҙарын, төрлө техникала эксклюзив изделиелар ижад итеүсе оҫталарҙы йыя.

Фестиваль программаһында — профессионалдар һәм килгән кешеләр өсөн ҡулдан эшләнгән изделиелар күргәҙмәһе; балалар һәм өлкәндәр өсөн бушлай Яңы йыл оҫталыҡ кластары; шоу-программа; «Изгелек» фонды менән бергә хәйриә акцияһы; Рәсәйҙең йәш дизайнерҙарының модалы өҫ кейеме коллекцияларын һәм авторҙар биҙәүестәрен күрһәтеү; оҫталарҙан 1000 һумдан ашыуға әйберҙәр һатып алыусылар, шулай уҡ фестивалдә ҡатнашыусыларҙың барыһы өсөн дә приздар уйнатыу; төрлө номинацияларҙа иң яҡшы оҫталарҙы бүләкләү.