3 декабрь, Шәмбе

12 декабрь 2013 йыл, 17:09

Республикала йыл башынан алып халыҡтан 100 мең тонналап һөт һатып алынған

автор: Галина Бахшиева

2013 йыл башынан алып Башҡортостанда халыҡтан 99 мең тоннанан ашыу һөт һатып алынған, ул былтырғы күрһәткестән 345 тоннаға күберәк.

БР Ауыл хужалығы министрлығының матбуғат хеҙмәтендә билдәләүҙәренсә, быйыл халыҡтан артыҡ һөттө һатып алыу буйынса Йәрмәкәй һәм Шаран райондарында ярайһы уҡ алға аҙым яһалған. Йыл башынан алып бында 2012 йылға ҡарағанда 1487 һәм 1043 тоннаға күберәк һөт һатып алынған.

Илеш, Шаран, Миәкә, Йәрмәкәй һәм Баймаҡ райондарында урындағы халыҡтан һөт һатып алыу буйынса эш яйға һалынған. Был райондарҙың һәр береһендә әлеге ваҡытта халыҡтан дүрт мең тоннанан ашыу һөт һатып алынған, тип хәбәр иттеләр министрлыҡта.