5 декабрь, Дүшәмбе

12 декабрь 2013 йыл, 16:59

Өфө «Нур» театрында дуҫлыҡ һәм берҙәмлек байрамы үткәрелә

автор: Алик Шакиров

«Бергә булайыҡ, берҙәм булайыҡ!» тип аталған байрам – музыка фестивале алдағы шәмбе, 14 декабрҙә, Өфө «Нур» дәүләт татар драма театрында үткәрелә. Уны Башҡортостан татарҙары милли-мәҙәни мөхтәриәте ойоштора, тип хәбәр ителә «Кызыл таң» гәзитенең бөгөнгө һанында.

Фестивалдә республиканың төрлө ҡала һәм райондарынан үҙешмәкәр коллективтар, мәктәп уҡыусылары ҡатнаша. Музыкаль тәбрикләү менән «Нур» театры артистары ла сығыш яһаясаҡ.

— Был сараның маҡсаты – республикала йәшәүсе халыҡтар араһында дуҫлыҡты нығытыу, аралашыу, ял итеү. Бындай фестивалдәр кәрәк, беҙ киләсәктә лә ватандаштарыбыҙ өсөн ошондай дуҫлыҡ һәм берҙәмлек кисәләрен үткәрергә планлаштырабыҙ, — тип билдәләй байрамды ойоштороусылар.

Башлана 12 сәғәттә. Инеү ирекле.