6 декабрь, Шишәмбе

11 декабрь 2013 йыл, 17:11

Октябрьскийҙан 15 йәш ғаилә торлаҡ сертификаты алды

автор: Арина Рәхимҡолова

Октябрьскийҙа йәш ғаиләләрҙең торлаҡ шарттарын яҡшыртыуға йүнәлтелгән программа сиктәрендә таныҡлыҡтар тапшырыу тантанаһы үтте. Бала тыуғанда социаль түләүҙәр сертификатын 15 ғаилә алды, тип хәбәр итте «Башинформ» агентлығына Октябрьский ҡалаһы хакимиәтенең мәғлүмәт-аналитика бүлеге начальнигы Юлия Функ.

Йыйылыусыларҙы ҡала хакимиәте башлығы вазифаһын башҡарыусы Алексей Шмелев тәбрикләне. Ул, 15 сертификат буйынса дөйөм сумма 3 701 670 һум тәшкил итә, тип билдәләне. Алексей Шмелев әйтеүенсә, йыл аҙағына тиклем Октябрьскийҙа тағы ла 20-ләп таныҡлыҡ тапшырыласаҡ.

Бындай ярҙам хәҙерге йәмғиәттә ғаиләнең мөһимлеген һыҙыҡ өҫтөнә ала. Быны тантанала ҡатнашыусылар үҙҙәре лә таный – йәштәрҙең шатлығын уртаҡлашырға ғаиләнең өлкән ағзалары ла килгәйне.