8 декабрь, Кесе йома

11 декабрь 2013 йыл, 16:38

Рәсәй Үҙәк банкы һумдың график символын раҫланы

автор: Розалия Вәлиева

РФ Үҙәк банкының Директорҙар советы һумдың символын раҫланы, тип хәбәр итә «Интерфакс» агентлығы, Рәсәй банкы рәйесе Эльвира Нәбиуллинаға һылтанма яһап.

Символ сифатында һыҙылған «Р» хәрефе билдәһе һайланған.

2013 йылдың ноябрендә Үҙәк банк йәмәғәтселек хөкөмөнә символдың биш вариантын тәҡдим итте. 5 ноябрҙән 5 декабргә тиклем РФ Үҙәк банкы тарафынан уҙғарылған фекер алышыу һөҙөмтәләре буйынса раҫланған һум символы иң популяр булды. Һорау алыуҙа 280 мең самаһы кеше ҡатнашты.

Раҫланған вариант ҡатнашыусыларҙың 61 проценттан ашыу тауышын йыйҙы. Үҙәк банк сайтында фекер алышыусыларҙың комментарийҙары бирелгән.

темалар: рәсәй банкы