9 декабрь, Йома

09 декабрь 2013 йыл, 9:56

Рөстәм Хәмитов Тәтешле һәм Балтас райондарына барып ҡайтты

автор: Людмила Терновая | фото: Олег Яровиков

Башҡортостан Президенты Рөстәм Хәмитов шәмбе, 7 декабрҙә,  республиканың Тәтешле һәм Балтас райондарына барып ҡайтты.

Иң элек ул Үрге Тәтешле ауылында урынлашҡан «МегаБит» яуаплылығы сикләнгән йәмғиәтенең производство базаһына барҙы. Предприятиела эштәр спектры киң — полистиролбетон блоктар етештереү, металдан изделиелар әҙерләү, төҙөлөш материалдары һатыу һәм башҡалар.

Республика Президенты производство базаһын ҡараны, нисә кеше эшләүе, күпме эш хаҡы алыуҙары менән ҡыҙыҡһынды. Предприятие етәксеһе Камил Ибәтуллин базала 115 кеше эшләүе, эшселәр — 19-ар мең, сварщиктар 23-әр мең һум эш хаҡы алыуҙары хаҡында хәбәр итте.

Рөстәм Хәмитов, предприятиела ниндәй продукция сығаралар, уға талап бармы, тип һораны. Металдан изделиеларға — мангалдар, тимер беседкалар, карауаттар — талап ҙур булыуы асыҡданды, шул иҫәптән республиканан ситтә лә, атап әйткәндә, күрше Пермь крайында.

Хәҙерге ваҡытта компания производство һәм социаль объекттар төҙөй, шул иҫәптән биш торлаҡ йорт һәм сауҙа үҙәге. Йыл башынан алып үҙ проекттарын бойомға ашырыуға предприятие 17 миллион һумдан ашыу аҡса йүнәлткән.