7 декабрь, Шаршамбы

04 декабрь 2013 йыл, 12:31

Өфөлә Төньяҡ автовокзал эшен яңыртты

автор: Розалия Вәлиева

Төньяҡ йүнәлеш маршруттары буйынса автобустар хәрәкәте 3 декабрҙән тергеҙелде, тип хәбәр иттеләр «Башинформ» агентлығына «Башавтотранс» дәүләт унитар предприятиеһынан.

Төньяҡ автовокзалда («Төньяҡ» касса пункты) Башҡортостан халҡы республика буйынса һәм унан ситтә төрлө йүнәлешкә билеттар һатып ала, транспорт карталарын тулыландыра ала.

Касса пунктының эш ваҡыты көн һайын 7 сәғәт 30 минуттан 19 сәғәт 40 минутҡа тиклем, тәнәфес – 13 сәғәттән 14 сәғәт 45 минутҡа тиклем.

Хәтерегеҙгә төшөрәбеҙ, Төньяҡ автовокзал  15 апрелдә инфраструктураны: килеү юлдарын һәм пассажирҙарҙы ултыртыу платформаларын тикшереү өсөн ябылғайны.