8 декабрь, Кесе йома

03 декабрь 2013 йыл, 15:41

Рәсәй Үҙәк һайлау комиссияһы Өфөлә хеҙмәттәшлек тураһында килешеүгә ҡул ҡуясаҡ

автор: Ғәлиә Нәбиева

Башҡортостан Республикаһының Үҙәк һайлау комиссияһы БР Президенты ҡарамағындағы Башҡортостан дәүләт хеҙмәте һәм идара итеү академияһы, М.Аҡмулла исемендәге Башҡорт дәүләт педагогия университеты менән берлектә 2013 йылдың 5-6 декабрендә Рәсәй Федерацияһы һайлау системаһының 20 йыллығына арналған төбәк-ара ғилми-ғәмәли конференция үткәрә.

Сара программаһында – пленар ултырыш һәм секциялар буйынса эш. Конференция барышында һайлау системаһы институттарының үҫеш тәжрибәһе, һайлау процесында субъекттарҙың һайлау хоҡуҡтарын тормошҡа ашырыу практикаһы ҡараласаҡ.

Өс секцияла эшләү күҙаллана: «Рәсәй һайлау ҡануниәте һәм донъя практикаһы: дөйөм һәм үҙенсәлекле», «Заманса Рәсәйҙә һәм уның төбәктәрендә электораль процестар: үҫеш йүнәлештәре һәм үҙенсәлектәре»; «Хоҡуҡи мәҙәнилек, электораль әүҙемлекте арттырыу: проблемалар һәм перспективалар».

Форум сиктәрендә РФ субъекттарының һайлау комиссиялары менән хеҙмәттәшлек тураһында килешеүгә ҡултамғалар йыйыласаҡ, тип хәбәр иттеләр БР Үҙәк һайлау комиссияһында.