9 декабрь, Йома

02 декабрь 2013 йыл, 13:12

Сода производствоһын сеймал менән тәьмин итеү мәсьәләһе асыҡ ҡала

автор: Ғәлиә Нәбиева

— Сода производствоһын сеймал менән тәьмин итеү мәсьәләһе, ҡыҙғанысҡа ҡаршы, әлегә асыҡ көйөнсә ҡала, — тине Башҡортостан Президенты Рөстәм Хәмитов «Уфа» журналының баш мөхәрриренә интервьюла. — Хәҙер республиканың Ғафури, Стәрлетамаҡ һәм Ишембай райондарында геологик эҙләнеүҙәр алып барыла. Сеймалһыҙ комбинат эшләй алмаясаҡ. Был бәхәсһеҙ. «Сода» эшләүҙән туҡтап, биш меңгә яҡын кешенең эшһеҙ ҡалыуын күҙ алдына ла килтереүе ауыр. Шуға күрә сеймал, эзбиз ятҡылығын эҙләп табырға кәрәк.  

Шул уҡ ваҡытта республика башлығы Башҡортостан сода компанияһында (БСК) етди модернизация алып барылыуын һыҙыҡ өҫтөнә алды, уға «әгәр беҙ «Башҡортостан химияһы» компанияһы менән альянстан баш тартҡан булһаҡ, республиканың үҙенең аҡсаһы бер ваҡытта ла етмәҫ ине. Уның ҡарауы, бөгөн БСК кальцийлы сода етештереү буйынса Европала беренсе урынды биләй».