9 декабрь, Йома

02 декабрь 2013 йыл, 12:01

Өфөлә эшсе һөнәрҙәрен популярлаштырырға йыйыналар

автор: Людмила Терновая

Өфөнөң «Динамо» спорт комплексында 8 декабрҙә Халыҡ-ара Евразия металлистар федерацияһының 20 йыллығына арналған Халыҡ-ара йәштәр форумы үткәрелә. Сараны ойоштороусы —машиналар эшләү тармаҡтарының Профсоюз ойошмалары ассоциацияһы. Форумда Рәсәйҙең машиналар эшләү предприятиеларынан эшсе һөнәрҙәре вәкилдәре, Украинанан, Төркиәнән делегациялар; БР Сәнәғәт һәм инновация сәйәсәте министрлығы, БР Йәштәр сәйәсәте һәм спорт министрлығы вәкилдәре ҡатнашасаҡ. Сараның төп маҡсаты — эшсе йәштәрҙең көнүҙәк проблемаларына иғтибар йәлеп итеү, тармаҡта квалификациялы эшсе хеҙмәтенең абруйын күтәреү, хеҙмәтсәндәрҙең өҙлөкһөҙ һөнәри үҫешен яҡлау, эшселәрҙең ҡаҙаныштарын, тәжрибәһен, эш алымдарын пропагандалау, предприятиеларға йәштәрҙе йәлеп итеү, тип хәбәр иттеләр БР Профсоюздар федерацияһы матбуғат хеҙмәтендә.