3 декабрь, Шәмбе

02 декабрь 2013 йыл, 10:04

Өфөлә Рудольф Нуриевҡа тағы ла бер таҡтаташ асылды

автор: Людмила Терновая | | фото: Олег Яровиков

1 декабрҙә Өфөлә Рудольф Нуриевҡа тағы ла бер мемориаль таҡтаташ асылды. Уны асыу тантанаһы хореографик училищелар һәм мәктәптәрҙең Рудольф Нуриевтың тыуыуына 75 йыл тулыуға арналған I Бөтә Рәсәй фестиваленә тап килтерелде, тип хәбәр иттеләр БР Мәҙәниәт министрлығы матбуғат хеҙмәтенән.

Мәшһүр бейеүсенең барельефы менән таҡтаташ Р.Нуриев исемендәге Башҡорт хореография колледжы бинаһына ҡуйылды.

Элек был адрес буйынса — Свердлов урамы, 38 – буласаҡ бейеү Генийы уҡыған 2-се урта мәктәп урынлашҡан булған. Таҡтаташ барельефын Өфө скульпторы Рөстәм Хәсәнов эшләгән.

Өфөлә Рудольф Нуриевҡа таҡтаташ Башҡорт дәүләт опера һәм балета театры стенаһына элек ҡуйылғайны инде — был бинала бейеүсе балет сәхнәһендә үҙенең тәүге аҙымдарын яһаған.