5 декабрь, Дүшәмбе

27 ноябрь 2013 йыл, 13:03

Поезға билет алыу өсөн өҫтәмә шәхси мәғлүмәттәрҙе күрһәтеү талап ителәсәк

автор: Розалия Вәлиева

1 декабрҙән алыҫ араға йөрөүсе поезға билет алыу өсөн өҫтәмә шәхси мәғлүмәттәр — тыуыу датаһын һәм урынын күрһәтеү талап ителәсәк, тип хәбәр ителә Куйбышев тимер юлы сайтында.

2007 йылдың 9 февралендәге «Транспорт хәүефһеҙлеге тураһында»ғы 16-ФЗ Федераль закон һәм Рәсәй Транспорт министрлығының  2012 йылдың 19 июлендәге 243-сө приказы талабы көскә инә, уға ярашлы алыҫ араға йөрөүсе поезға билет алыусы пассажирҙар тыуыу датаһы һәм урыны тураһында мәғлүмәт бирергә тейеш.

Шулай итеп, 2013 йылдың 1 декабренән билет алыу өсөн пассажирҙың фамилияһы, исеме, атаһының исеме, уның тыуыу датаһы һәм урыны, шәхесте раҫлаусы документ төрө һәм номеры талап ителәсәк.  

Әммә өҫтәмә индерелгән мәғлүмәттәр йөрөү документы бланкаһында сағылдырылмаясаҡ.