6 декабрь, Шишәмбе

26 ноябрь 2013 йыл, 12:54

Өфөлә «Уңышлы бизнес серҙәре» белем биреү проектының презентацияһы уҙасаҡ

автор: Эльвира Латипова

Башҡортостан Сауҙа-сәнәғәт палатаһының «Уңышлы бизнес серҙәре» белем биреү проектын презентациялау Өфөлә 27 ноябрҙә үтәсәк. Саҡырылған ҡунаҡтар – республикала билдәле бизнесмендар. Улар башланғыс эшҡыуарҙар менән уңыш серҙәрен уртаҡлашасаҡ.

«Уңышлы бизнес серҙәре» проекты Башҡортостан Сауҙа-сәнәғәт палатаһының бизнес-мәктәбе эксперттары менән видеоинтервьюнан тора.

Презентацияла бизнес-мәктәп эксперттары менән аралашып, бүләккә DVD-дискылар алып буласаҡ.

Ҡатнашыу өсөн алдан теркәлергә кәрәк.

Презентация түбәндәге адрес буйынса үтәсәк: Өфө ҡалаһы, К.Маркс урамы, 3, конференциялар залы. 16 сәғәттә башлана.