5 декабрь, Дүшәмбе

18 ноябрь 2013 йыл, 17:50

Төбәктең оборона предприятиеларында иҫкергән ҡоралдарҙы утилләштереү бара

автор: Сергей Захаров | фото: Үҙәк хәрби округының матбуғат хеҙмәте

Йыл аҙағына тиклем Үҙәк хәрби округы 80 мең тоннанан ашыу иҫкергән һуғыш ҡоралдарын һәм дарыны утилләштерәсәк.

40 мең тонна самаһы арсеналдарҙың производство ҡеүәттәрендә эшкәртеләсәк һәм 30 мең тоннанан күберәге – Дәүләт оборона заказы сиктәрендә контракт буйынса Башҡортостанда, Марий Иле Республикаһында, Сведловск өлкәһендә урынлашҡан оборона-сәнәғәт комплексы предприятиеларында, тип хәбәр иттеләр Үҙәк хәрби округының матбуғат хеҙмәтенән.

Һуғыш кәрәк-яраҡтарын утилләштереүҙең тулы циклын махсус цех эшселәре башҡарасаҡ, унда хәрби хеҙмәткәрҙәр ҡатнашмаясаҡ, тип аңлаттылар. Бөтә процесты округтың ракета-артиллерия ҡоралдары хеҙмәте белгестәре күҙәтә.

Утилләштереү продукттары металлургия һәм химия сәнәғәтенә йүнәлтелә, ҡулланыу табылмаған дары яндырыла. Әлеге ваҡытҡа утилләштереүҙең йыллыҡ планы 99 проценттан күберәккә үтәлгән. Бөтә эштәрҙе 30 ноябргә тиклем тамамларға ниәтләйҙәр.