10 декабрь, Шәмбе

18 ноябрь 2013 йыл, 16:09

Владимир Путиндың ҙур матбуғат конференцияһы 19 декабргә тәғәйенләнгән

автор: Ғәлиә Нәбиева

Рәсәй Президенты Владимир Путиндың йыл һайын үткәрелә торған ҙур матбуғат конференцияһы 19 декабргә тәғәйенләнгән. Журналистарҙы аккредитациялау асылған, тип хәбәр итә дәүләт башлығы матбуғат хеҙмәте.

Был туғыҙынсы тапҡыр Рәсәй һәм сит ил киң мәғлүмәт саралары журналистары менән ҙур осрашыу буласаҡ. Беренсе матбуғат конференцияһы  2000 йылда үтте, ә һуңғыһы — 2012 йылдың 20 декабрендә.

Былтыр дәүләт башлығы киң мәғлүмәт саралары вәкилдәре менән Кремлдә түгел, ә Мәскәү Халыҡ-ара сауҙа үҙәгендә аралашты. Журналистар менән осрашыу «Дима Яковлев законы» билдәһе аҫтында үтте. ИТАР-ТАСС мәғлүмәттәре буйынса, һигеҙенсе матбуғат конференцияһы 4 сәғәт 33 минут барҙы, сараға 1226 Рәсәй һәм сит ил журналистары аккредитацияланды.