11 декабрь, Йәкшәмбе

18 ноябрь 2013 йыл, 14:48

Төбәктә социаль партнерлыҡтың 20 йыллығы айҡанлы, Өфөлә вакансиялар йәрминкәһе үтәсәк

автор: Галина Бахшиева

Башҡортостанда социаль партнерлыҡтың 20 йыллығына арналған саралар сиктәрендә 26 ноябрҙә БР Профсоюздар йортонда социаль-хеҙмәт мөнәсәбәттәрен көйләү буйынса Республика өс яҡлы комиссияһының күсмә ултырышы үткәрелә.

Кәңәшмәнең төп темаһы – юғары һәм урта махсус уҡыу йорттарын тамамлаусыларҙы эшкә урынлаштырыу.

БР Хеҙмәт министрлығы сайтында хәбәр ителеүенсә, ошо уҡ көндө БР Профсоюздар йортонда уҡыу һәм эш урындары вакансиялар йәрминкәһе, шул иҫәптән йәштәр өсөн дә, уҙасаҡ.

Йәрминкәнең маҡсаты – халыҡҡа ярашлы эш табырға ярҙам итеү һәм хеҙмәт баҙарындағы хәлдәр тураһында мәғлүмәт биреү.

Вакансиялар йәрминкәһенә бер меңдән артыҡ кеше килеүе көтөлә.

Вакансиялар йәрминкәһе 13 сәғәттән алып 16 сәғәткә тиклем эшләйәсәк.