11 декабрь, Йәкшәмбе

06 ноябрь 2013 йыл, 14:21

Йәш әҙәбиәтселәребеҙҙең ижадын күрше республикала баһалаясаҡтар

автор: Әлим Фәйезов

Ҡазанда 7-8 ноябрҙә Татарстандың Яҙыусылар союзы башланғысы менән йәш яҙыусылар һәм шағирҙар семинары уҙасаҡ. Унда Башҡортостандан әлегә Яҙыусылар союзына инмәгән, татар һәм башҡорт телдәрендә яҙышҡан йәш ҡәләмдәштәрҙең ҡулъяҙмалары ҡараласаҡ. Республикабыҙҙың йәш һәләттәренең ижадын Татарстандың билдәле яҙыусылары һәм шағирҙары баһалаясаҡ. Иң һәләтлеләргә профессиональ ижади Союзға инеү өсөн рекомендация бирәсәктәр, ә уларҙың әҫәрҙәрен айырым китап итеп сығарыу өсөн нәшриәткә тәҡдим итәсәктәр. Үҙ сиратында, Татарстандың һәләтле ижади йәштәренең яҙмаларын Башҡортостан яҙыусылары уҡып баһалаясаҡ.

Был хаҡта «Ҡыҙыл таң» һәм «Башҡортостан» гәзиттәренең бөгөнгө һандары хәбәр итә. Шулай уҡ ике баҫма ла Татарстан йәш шағирҙарының шиғырҙар шәлкемен баҫасаҡ.