3 декабрь, Шәмбе

31 октябрь 2013 йыл, 13:05

Төбәктә көнбағыштан уртаса уңыш һәр гектарҙан 12,4 центнер тәшкил итә

автор: Галина Бахшиева

Башҡортостанда бөгөнгө көнгә 170 мең тонна көнбағыш орлоғо һуғып алынған, һәр гектарҙан уртаса уңыш – 12,4 центнер.

Шул уҡ ваҡытта республикала был майлы культураның иң юғары уңышы – гектарынан 19-20 центнер – элеккесә Ҡырмыҫҡалы, Мәләүез һәм Стәрлетамаҡ райондарында.

Урып һуғыу буйынса лидерҙар – Стәрлетамаҡ һәм Мәләүез райондары, уларҙа 19,8 һәм 18,7 меңешәр тонна майлы орлоҡ алынған.

Дөйөм республика буйынса әлеге ваҡытта көнбағыш 137 мең гектар майҙандан йыйып алынған, йәғни был культура сәсеүлектәренең 64 процентынынан, тип хәбәр иттеләр БР Ауыл хужалығы министрлығының матбуғат хеҙмәтенән.