4 декабрь, Йәкшәмбе

24 октябрь 2013 йыл, 10:52

Константин Толкачев менән Тәлғәт Тажетдин юғары дәүләт наградаларына лайыҡ булды

автор: Людмила Терновая

Башҡортостан Республикаһы Дәүләт Йыйылышы — Ҡоролтай Рәйесе Константин Толкачев менән Юғары мөфтөй, Рәсәй мосолмандарының Үҙәк диниә назараты рәйесе Тәлғәт Тажетдин Рәсәй Федерацияһы Президентының 2013 йылдың 19 октябрендәге 783-сө Указы менән юғары наградаға күрһәтелде.

Республика парламенты спикеры «закондар сығарыу эшендәге әүҙем эшмәкәрлеге, законлылыҡты нығытыуҙа, юридик кадрҙар әҙерләүҙәге ҡаҙаныштары, күп йыллыҡ намыҫлы хеҙмәте өсөн» Дуҫлыҡ ордены менән наградланды.

Юғары мөфтөй «өлгәшкән хеҙмәт уңыштары, күп йыллыҡ намыҫлы хеҙмәте һәм әүҙем йәмәғәт эшмәкәрлеге өсөн» IV дәрәжә «Ватан алдындағы ҡаҙаныштары өсөн» орденына лайыҡ булды.