11 декабрь, Йәкшәмбе

18 октябрь 2013 йыл, 10:50

Рудик Исҡужин Башҡортостан Президенты советнигы итеп тәғәйенләнде

автор: Сергей Захаров

Башҡортостан президенты Рөстәм Хәмитов үҙ бойороғо менән Рудик Исҡужинды республика Президенты советнигы вазифаһына тәғәйенләне.

Рудик Ғәзиз улы Исҡужин 1950 йылдың 28 июлендә  БАССР-ҙың  Күмертау районы Таймаҫ ауылында тыуған.

СССР-ҙың Юғары Ҡыҙыл байраҡлы Дәүләт именлеге комитеты мәктәбен, Ҡыҙыл байраҡлы Дәүләт именлеге комитеты институтын тамамлаған.

Хеҙмәт эшмәкәрлеген 1969 йылда һәүерташ комбинаты технигы (Силямяе ҡалаһы, Эстон ССР-ы) булып башлай. 1972-1992 йылдарҙа Ҡораллы Көстәрҙә хеҙмәт итә. Төрлө йылдарҙа электр селтәрҙәре техник-релейщигы (Күмертау ҡалаһы); «Махсуслаштырылған Мәғлүмәт һәм Именлек агентлығы» фирмаһы директоры (Мәскәү ҡалаһы); «Халыҡ-ара Иҡтисади Хеҙмәттәшлек» компанияһының программалар етәксеһе (Мәскәү ҡалаһы); «Газпром» Рәсәй акционерҙар йәмғиәтенең тулы хоҡуҡлы нефть операторы, Яҡын һәм Урта Көнсығыш илдәрендә «Транснефть» акционерҙар компанияһы асыҡ акционерҙар йәмғиәтенең программалар етәксеһе; Сит илдәр менән Эшлекле хеҙмәттәшлек үҙәге компанияһы вице-президенты; РФ Федераль Йыйылышы Федерация Советы ағзаһының ярҙамсылар төркөмө етәксеһе; «Машиноимпорт» генераль директоры урынбаҫары; «Берҙәм Рәсәй» партияһының Генераль советы секретары советнигы булып эшләй.

2004 йылдан 2013 йылға тиклем Рудик Исҡужин Рәсәй Федераль Йыйылышы Федерация Советы ағзаһы булды.