5 декабрь, Дүшәмбе

09 октябрь 2013 йыл, 9:50

Республика көнө алдынан Өфөлә Мостай Кәримгә һәйкәл асыласаҡ

автор: Эльмира Сабирова

Кесе йома, 10 октябрҙә, Өфөнөң үҙәгендә Башҡортостандың халыҡ шағиры, яҙыусы һәм драматург Мостай Кәримгә һәйкәл асыласаҡ.

Хәбәр итеүебеҙсә, монументты Мәскәүҙең билдәле скульпторы Андрей Ковальчук эшләне. Һәйкәл БР Профсоюздар йорто алдында ҡуйылған.

Композицияны асыу тантанаһында Башҡортостандың билдәле яҙыусылары, мәҙәниәт эшмәкәрҙәре, күрше республикаларҙан ҡунаҡтар — Татарстандың халыҡ шағирҙары Ренат Харисов менән Роберт Миңнуллин, Сыуашстандың халыҡ шағиры Валерий Тургай, шулай уҡ һәйкәлдең авторы — Рәсәй Федерацияһының халыҡ рәссамы Андрей Ковальчук ҡатнашасаҡ, тип көтөлә.

Асыу 12 сәғәткә билдәләнгән.