8 декабрь, Кесе йома

03 октябрь 2013 йыл, 10:44

Йылдағы иң яҡшы башҡорт китабын һайлаясаҡтар

автор: Эльмира Сабирова

Башҡортостанда «Йылдың иң яҡшы башҡорт китабы» VIII Республика конкурсы башланды. Уның маҡсаты — башҡорт китаптарын уҡыуға ылыҡтырыу, Бвшҡортостан яҙыусыларының һәм шағирҙарының ижади мираҫын өйрәнеү, китапханаларҙың башҡорт китабын пропагандалау буйынса инновацион эш тәжрибәһен өйрәнеү һәм таратыу, китапхана менән файҙаланыусылар араһында башҡорт авторҙарының иң уҡымлы китаптары рейтингын билдәләү.

Әхмәт-Зәки Вәлиди,исемендәге БР Милли китапханаһының фәнни-методика бүлегендә хәбәр итеүҙәренсә, конкурста һәр ваҡыттағыса һәр кем йөрөй алған китапханалар ҡатнаша.  

Иң яҡшы китаптар өс номинацияла билдәләнәсәк: «Мөхәббәт, ғаилә, тоғролоҡ тураһында», «Башҡортостандың тәбиғәте тураһында» һәм «Бала саҡта иң яратҡан китап».

Шарттар буйынса конкурсанттар жюриға бер китапҡа, китаптар серияһына, йыйынтыҡҡа, авторға арналған һәм  республикала һуңғы өс йылда нәшер ителгән видеороликтар (буктрейлерҙар — китап тураһында һөйләү, был китапты әле уҡымағандарҙы ҡыҙыҡһындырыу, китапты яратыуыңды белдереү ысулы) тәҡдим итә.

Заявкалар быйыл 15 ноябргә тиклем  gilmanova@bashnl.ru электрон почтаһына ҡабул ителә.