7 декабрь, Шаршамбы

02 октябрь 2013 йыл, 10:58

Ашхабадта уҙған Халыҡ-ара китап күргәҙмәһендә «Китап» нәшриәтенең балалар өсөн китабы иң яҡшы тип танылған

автор: Әлим Фәйезов

Ашхабадта «Китап – хеҙмәттәшлек һәм үҫеш юлы» тип аталған VIII Халыҡ-ара китаптар күргәҙмә-йәрминкәһе тамамланды. Уның йомғаҡтары буйынса конкурста Зәйнәб Биишева исемендәге Башҡортостан «Китап» нәшриәте  «Күмәс өй» китабы менән «Балалар китабы» номинацияһында еңеүсе тип танылды.

«Күмәс өй» китабына башҡорт, рус һәм немец телдәрендә киң билдәле ағалы-ҡустылы Гриммдарҙың өс әкиәте ингән: «Татлы бутҡа», «Хензель һәм Гретель», «Дроздобород короле». Китап биҙәлеше яғынан бик үҙенсәлекле, унда спектаклдәрҙән ҡурсаҡтар, ҡурсаҡ йыһаздары төшөрөлгән фоторәсемдәр, эксклюзив иллюстрациялар ҡуйылған.