5 декабрь, Дүшәмбе

02 октябрь 2013 йыл, 9:53

Башҡортостан юлдаш телевидениеһы «Триколор»ға инде

автор: Сергей Захаров | фото: Лариса Ветлугина

1 октябрҙән Башҡортостан юлдаш телевидениеһының тамашасылар аудиторияһы йөҙләгән тапҡырға артты. «Триколор» юлдаш тапшырыуының төп пакетына инеү һөҙөмтәһендә Башҡортостан юлдаш телевидениеһы тапшырыуҙарын бөтә Рәсәйҙә генә түгел, сит илдәрҙә лә ҡарау мөмкинселеге тыуҙы.

— Әгәр элек беҙҙең телеканалды кабель селтәрҙәре  буйынса Урал тауҙарынан Алыҫ Көнсығышҡа тиклем ҡарай алһалар, 1 октябрҙән Рәсәйҙең Үҙәк өлөшөндә лә ҡарарға була, — тип аңлаттылар Башҡортостан юлдаш телевидениеһының матбуғат хеҙмәтенән.

Юлдаш телевидениеһының Рәсәй операторҙары менән хеҙмәттәшлек итеү мәсьәләһе күптән өлгөргән. «Интелсат-15-Сибирь» пакетында Башҡортостан юлдаш телевидениеһы тапшырыуҙарын элек тә  ҡарап була ине, ә хәҙер «Триколор» ға ингәндән һуң республиканың баш телеканалы программаһын өлөшләтә Европала ла ҡарап буласаҡ, мәҫәлән, Скандинавия илдәрендә, тип хәбәр иттеләр Башҡортостан юлдаш телевидениеһынан.

«Триколор»ға инеү – беренсе аҙым ғына. Икенсе этап – тапшырыуҙарҙы юғары асыҡлыҡ форматында алып барыу, тип билдәләнеләр канал вәкилдәре.